Elektrik cərəyanı vurması nəticəsində dünyasını dəyişən İcra başçısının qardaşı ilə bağlı detallar məlum olub.
Cenublu.az-ın əldə etdiyi məlumata görə, bu gün saat 15:00 radələrində Abşeron rayonu, Xırdalan şəhəri, 22-ci məhəllə, ev 17 ünvanında fəaliyyət göstərən “AY-MİN” MMC-yə məxsus ət məhsulları istehsalı sexində avadanlığı elektrikli yuyucu qurğu ilə təmizləyərkən fəhlə kimi çalışan 1971-ci il təvəllüdlü Quliyev Habil Böyükağa oğlunu elektrik cərəyanı vurub. Hadisə nəticəsində zərərçəkən ölüb.
Faktla bağlı Abşeron rayon prokurorluğunda araşdırma aparılır.
***
Saat 13:35
Elektrik cərəyanı vurması nəticəsində dünyasını dəyişən H.Quliyev Goranboy Rayon İcra Hakimiyyətinin başçısı Məhərrəm Quliyevin qardaşıdır.
Bu barədə Modern.az məlumat yayıb.
Hüzr mərasiminin Habil Quliyevin ata evində - Lənkəran şəhərində olacağı bildirilib.
***
Azərbaycanda kolbasa istehsal edən şirkətdə bədbəxt hadisə baş verib.
Lent.az xəbər verir ki, Lənkəran rayon sakini, 53 yaşlı Habil Quliyevi elektrik cərəyanı vuraraq öldürüb.
Hadisə Xırdalan şəhərində fəaliyyət göstərən “Ay-min” MMC-də (kolbasa şirkəti) qeydə alınıb.
