Astarada sərnişin daşıyan mikroavtobusun aşması nəticəsində çox sayda insan xəsarət alıb.
Cenublu.az xəbər verir ki, hadisə Kijəbə-Deqədi kənd yolunda baş verib. Deqədi-Astara istiqamətində hərəkət edən "Qazel" markalı marşrut mikroavtobusu Deqədi kəndi ərazisində idarəetmədən çıxaraq aşıb.
Qəza zamanı mikroavtobusda olan 20-yə yaxın sərnişindən 10-a yaxını xəsarət alıb. Yaralılar Astara və Lənkəran Rayon Mərkəzi Xəstəxanalarına çatdırılıb. Onlara zəruri tibbi yardım göstərilir.
Faktla bağlı araşdırma aparılır.
