Bu gün Hacı Molla Əlihəsən Şeyx Bəşir oğlunun dünyaya göz açdığı gündür.
Hacı Molla Əlihəsən Şeyx Bəşir oğlu (Əlihəsən Hüseynov) 7 mart 1939-cu ildə Ərkivanda anadan olub. Onun doğum günü tarixi evinin dirəyində bıçaqla həkk olunub.
Əlihəsən kiçik yaşlarından dini təhsil alıb və fars dilini öyrənməyə başlayıb. 7-ci sinifdən sonra o, Gəncə şəhərinə yollanaraq, 1958-ci ilə kimi dərzilik məktəbində oxuyub. Həmin vaxt Hüseynov, həmçinin fəhlə-gənclər məktəbində də axşamlar təhsil alıb. O, bir müddət Tütün zavodunda dərzi kimi çalışıb. Daha sonra o, Masallıya qayıdıb, şəhərin 1 saylı orta məktəbində oxuyub. Sonra Hüseynov 3 il molla Hüseyn və Axund Əlidən, 8 il isə molla Cəbrayıldan dini təhsil alıb. Bununla bağlı Əlihəsən deyib: “Hazırcavablığı molla Hüseyndən, səbirli olmağı isə Cəbrayıl əmidən öyrəndim”. Sonralar o, Ərkivanda xeyli tələbəyə dərs deyərək, bir çox din xadimləri yetişdirib.
Əlihəsən Hüseynov Ulu Öndər Heydər Əliyevlə “Təzə Pir” məscidində, həmçinin Dünya İslam Konfransı çərçivəsində “Gülüstan” sarayında görüşüb.
Əlihəsən Hüseynov 26 yanvar 2024-cü ildə vəfat edib və Ərkivan kəndinin qəbiristanlığında dəfn olunub.
