Mayın 8–9-da Litvanın paytaxtı Vilnüsdə keçirilən K-1 Open Açıq Avropa çempionatında azərbaycanlı idmançı Rəşidli Rəşid uğurlu çıxışı ilə diqqət çəkib.
Cenublu.az xəbər verir ki, əslən Masallı rayonundan olan idmançı 81 kq çəki dərəcəsində yarışaraq turniri gümüş medalla başa vurub.
Qeyd edək ki, Rəşidli Rəşid döyüş idman növləri üzrə əldə etdiyi uğurlarla tanınır. O, müxtəlif illərdə K-1 və "Muay-tay" versiyaları üzrə beynəlxalq turnirlərin qalibi olub, dünya çempionatlarında çempionluq qazanıb.
Masallılı idmançı həmçinin "Budo" döyüşü və Tay-Kinq Valotudo üzrə beynəlxalq yarışlarda da uğurlu nəticələr əldə edib. Onun beynəlxalq arenalarda qazandığı nailiyyətlər Azərbaycan idmanının uğurları sırasına əlavə olunub.
