Prezident İlham Əliyevin Sərəncamına əsasən, Orxan Fərmayıl oğlu Məmmədov Yardımlı Rayon İcra Hakimiyyətinin (RİH) başçısı təyin edilib.
Hazırda 37 yaşı olan Orxan Məmmədov Azərbaycan Dövlət İqtisad Universitetində, Bakı Dövlət Universitetinin hüquqşünaslıq fakültəsində təhsil alıb.
O, həmçinin Azərbaycan Respublikasının Prezidenti yanında Dövlət İdarəçilik Akademiyasının magistrantı olub.
Orxan Məmmədov əmək fəaliyyətinin bir hissəsini Yasamal Rayon İcra Hakimiyyətində keçirib. O, qurumun başçısı aparatının hüquq şöbəsinin müdiri vəzifəsində çalışıb.
2025-ci ilin mart ayında isə Yasamal Rayon İcra Hakimiyyəti başçısının müavini təyin olunub.
Yeni təyinatla Orxan Məmmədov Yardımlı Rayon İcra Hakimiyyətinin başçısı vəzifəsində fəaliyyətə başlayacaq.
