Prezident İlham Əliyevin oktyabrın 22-də imzaladığı sərəncamla Orxan Fərmayıl oğlu Məmmədov Yardımlı Rayon İcra Hakimiyyətinin başçısı təyin edilib.
Cenublu.az yeni icra başçısının tərcümeyi-halını araşdırıb.
Orxan Məmmədov bu təyinatadək Bakı şəhəri Yasamal Rayon İcra Hakimiyyəti başçısının müavini vəzifəsində çalışıb.
2025-ci ilin martında yayılan məlumatlara əsasən, həmin vaxt onun 36 yaşı olub.
O, Azərbaycan Dövlət İqtisad Universitetini, həmçinin Bakı Dövlət Universitetinin hüquq fakültəsini bitirib. 2025-ci ildə dərc olunan məlumatlarda Məmmədovun Azərbaycan Respublikasının Prezidenti yanında Dövlət İdarəçilik Akademiyasında magistratura təhsili aldığı bildirilirdi.
Yeni icra başçısının əmək fəaliyyəti ilə bağlı məlumdur ki, o, əvvəllər Cəbrayıl Rayon İcra Hakimiyyətinin hüquq şöbəsinin müdiri olub.
2023-cü ilin martında Yasamal Rayon İcra Hakimiyyəti Aparatının hüquq şöbəsinin müdiri vəzifəsinə təyin edilib.
2025-ci il martın 4-də isə Yasamal Rayon İcra Hakimiyyəti başçısının müavini vəzifəsinə yüksəlib.
Beləliklə, Orxan Məmmədov müxtəlif rayonların icra hakimiyyətlərində fəaliyyət göstərdikdən sonra ilk dəfə rayon icra hakimiyyətinin başçısı təyin olunub.
Qeyd edək ki, Yardımlı Rayon İcra Hakimiyyətinin əvvəlki başçısı Ayaz Əsgərov 2026-cı il sentyabrın 15-də vəzifəsindən azad edilmişdi.
