Lənkəranlı ağır atlet Fuad Həsənov Avropa birinciliyində iki gümüş və bir bürünc medal qazanıb.
Cenublu.az xəbər verir ki, oktyabrın 12-dən 19-dək Albaniyanın Dürres şəhərində 23 yaşadək gənclər arasında keçirilən ağır atletika üzrə Avropa birinciliyində iştirak edən idmançı uğurlu nəticə göstərib.
Fuad Həsənov birdən qaldırma hərəkətində 134 kq nəticə ilə gümüş, təkanla qaldırmada 162 kq nəticə ilə bürünc medal əldə edib. O, iki hərəkətin cəmində 296 kq nəticə ilə daha bir gümüş medala layiq görülüb.
İdmançının məşqçi-müəllimi Anar Qasımovdur.
