Cəlilabad şəhərində iki minik avtomobilinin toqquşması nəticəsində üç nəfər xəsarət alıb.
Cenublu.az-ın məlumatına görə, yol-nəqliyyat hadisəsi şəhərin Qurtuluş küçəsində qeydə alınıb.
Belə ki, hərəkətdə olan "VAZ-2107" və "VAZ-2106" markalı avtomobillər toqquşub. Qəza nəticəsində üç nəfər xəsarət alıb.
Yaralılar tibbi yardım göstərilməsi üçün Cəlilabad Rayon Mərkəzi Xəstəxanasına çatdırılıblar.
Hadisənin başvermə səbəbləri araşdırılır.
