“Yaşıl dünya naminə həmrəylik ili” çərçivəsində Cəlilabad və Yardımlı rayonlarında yaşıllaşdırma aksiyası təşkil edilib.
Cenublu.az Dini Qurumlarla İş üzrə Dövlət Komitəsinə istinadən xəbər verir ki, tədbirdə din xadimləri, dini icma üzvləri və ictimaiyyət nümayəndələri iştirak ediblər. Onlar Cəlilabad və Yardımlı rayonları ərazisində yerləşən dini ibadət yerlərinin ətrafında abadlıq və yaşıllaşdırma işləri aparıblar, ağac, gül kolları əkiblər.
Aksiyanın keçirilməsində məqsəd müxtəlif konfessiyalara mənsub dini icma üzvlərini ümummilli məsələ ətrafında birləşdirmək və yaşıllıqların artırılmasına yönəltməkdir.
