Lənkəran Ağır Cinayətlər Məhkəməsində dayısının həyat yoldaşını xüsusi amansızlıqla qəsdən öldürməkdə təqsirləndirilən 2011-ci il təvəllüdlü yeniyetmənin cinayət işi üzrə hökm oxunub. O, 7 il 6 ay müddətinə azadlıqdan məhrum edilib.
Hadisə bu il iyunun 3-də Cəlilabad rayonunda baş verib.
İttihama görə, Rusiyadan Azərbaycana gələn yeniyetmə dayısı və onun ailəsi ilə birlikdə yaşayıb. O, dayısının həyat yoldaşı ilə cinsi əlaqədə olmaq istəyib. Qadının razılaşmayacağını və hadisəni ailəsinə danışacağını düşünən yeniyetmə onu öldürmək qərarına gəlib.
Hadisə günü mətbəx bıçağını götürən oğlan qadına arxadan hücum edərək bədəninin müxtəlif nahiyələrinə çoxsaylı zərbələr endirib. Qadının yalvarışlarına baxmayaraq, hücumunu davam etdirib.
Nəticədə qadına ümumilikdə 11 kəsilmiş-deşilmiş yara yetirilib. Qanitirmə onun ölümünə səbəb olub. O, qadını öldürdükdən sonra onun meyiti üzərində əxlaqsız hərəkətlər edib.
Hadisədən sonra ərazidən uzaqlaşan yeniyetmə daha sonra saxlanılaraq cinayət məsuliyyətinə cəlb edilib.
Mənbə: Pravda.аz
