Lənkəran şəhərində elektrik kabellərinin ağacın budaqlarına dolaşması təhlükəli vəziyyət yaradıb.
Cenublu.az xəbər verir ki, söhbət Mirhaşım Ağayev küçəsindən gedir. Ərazidə elektrik dirəyindən uzanan kabellər ağacın budaqlarına ilişir. Bu vəziyyət sakinlərdə narahatlıq yaradır və mümkün yanğınla bağlı ciddi risklər doğurur. Xüsusilə küləkli havalarda ərazidən keçənlər real təhlükə ilə üz-üzə qalırlar.
Vətəndaşlar problemin aradan qaldırılması, kabellərin təhlükəsiz vəziyyətə gətirilməsi üçün aidiyyəti qurumlardan yardım gözləyirlər.
