Lənkəranda dənizkənarı əraziyə atılan məişət tullantıları və onların yandırılması sakinlərin narazılığına səbəb olur.
Cenublu.az xəbər verir ki, şəhərin Tofiq İsmayılov küçəsində, "Vağzal" kimi tanınan ərazidə zibil qutularının olmaması vəziyyəti daha da ağırlaşdırır.
Vətəndaşların sözlərinə görə, bəzi şəxslər tullantıları gecə saatlarında yandırır, ətrafa yayılan tüstü isə yaxınlıqda yaşayanların evlərinə dolur.
Şikayətçilər ərazinin təmizlənməsini, zibil qutularının yerləşdirilməsini və tullantıları yandıran şəxslərlə bağlı tədbir görülməsini istəyirlər.
