Lənkəranda bıçaqlanma baş verib.
Cenublu.az xəbər verir ki, hadisə Lənkəran şəhərinin Zərifə Əliyeva küçəsi, "Müəllimlər Binası" kimi tanınan binada baş verib. 34 yaşlı Allahşükür Ağazadə həyat yoldaşı 29 yaşlı Rəvanə Ağazadəyə çoxsaylı bıçaq zərbələri endirib.
Atanın anaya endirdiyi bıçaq zərbələri evdə olan 3 yaşlı övladına da dəyib.
Ağır xəsarət alan ana və azyaşlı Lənkəran Rayon Mərkəzi Xəstəxanasına hospitalizasiya olunub.
Əməli törətməkdə şübhəli bilinən 34 yaşlı Allahşükür Ağazadə polis əməkdaşları tərəfindən saxlanılaraq istintaqa təhvil verilib.
Qeyd edək ki, ailə əslən rayonunun Xanbulan kəndindəndir. Onlar hadisə baş verən ünvanda kirayə yaşayırlar.
Faktla bağlı rayon prokurorluğunda araşdırma aparılır.
