Son günlər xarici ölkələrdən Azərbaycana qarşı sosial media vasitəsilə koordinasiyalı informasiya hücumları, dezinformasiya və ictimai rəyi manipulyasiya cəhdləri müşahidə olunur. Eyni məzmunlu paylaşımlar, təkrarlanan şərhlər və ölkəmizə aidiyyəti olmayan foto-video materialların yayılması bu kampaniyaların məqsədyönlü xarakterini göstərir.
Xüsusilə İran və Türkiyədən "Telegram", "X" və "TikTok" platformaları üzərindən yayılan əsassız, qərəzli və təhqiredici materialları qətiyyətlə pisləyirik.
Bu cür fəaliyyət informasiya təhlükəsizliyinə və ictimai sabitliyə təhdid yaradır, hüquqi məsuliyyətə səbəb ola bilər.
Şura vətəndaşları, media nümayəndələrini və sosial media istifadəçilərini dezinformasiyaya qarşı ayıq-sayıq olmağa, həqiqətə uyğun olmayan məlumatları yaymamağa və ölkəmizin nüfuzuna xələl gətirən cəhdlərə qarşı məsuliyyətli mövqe nümayiş etdirməyə çağırır.
