Gürcüstanda keçirilən "Georgian Liga Open" turnirində Masallı idmançıları uğurlu nəticələr əldə ediblər.
Cenublu.az xəbər verir ki, mayın 2-3-də təşkil olunan yarışda Lənkəran-Astara Regional Gənclər və İdman İdarəsinin nəzdində fəaliyyət göstərən Masallı UGİM-in yetirmələri ümumilikdə 1 qızıl və 3 bürünc medal qazanıblar.
Kiçik yeniyetmələr arasında Ayan Əliyeva (27 kq) qızıl medalın sahibi olub. Eyni kateqoriyada Yunis Həşimli (24 kq) və Əli Əliyev (27 kq) bürünc medala layiq görülüblər. Yeniyetmələr arasında çıxış edən Zaur Rəsulzadə (45 kq) isə üçüncü yeri tutaraq fəxri kürsüyə yüksəlib.
Qeyd edək ki, idmançıların məşqçi-müəllimi Masallı UGİM-in taekvondo bölməsinin baş məşqçisi Sadiq Ağayevdir.
