Azərbaycan milli komandasının üzvü Nəriman Axundzadə ABŞ-nin "Kolambus Kryu" klubunun heyətində növbəti sınağına çıxıb.
Oxu.аz xəbər verir ki, 22 yaşlı hücumçu ABŞ Kubokunun 1/8 final mərhələsi çərçivəsində baş tutan "Uan Noksville" ilə qarşılaşmada iştirak edib.
Matça start heyətində başlayan forvardımız son fitə qədər mübarizə apararaq əvəzlənməyib. Bu maraqlı duel "Kolambus Kryu"nun 4:1 hesablı inamlı qələbəsi ilə başa çatıb.
Xatırladaq ki, Nəriman Axundzadə MLS təmsilçisinə bu ilin fevral ayında transfer olunub.
