Lerik Rayon İcra Hakimiyyətinin başçısı Əkbər Abbasov Vistən kəndində səyyar qəbul keçirib.
Cenublu.az Lerik Rayon İcra Hakimiyyətinə istinadən xəbər verir ki, görüşdə rayonun aidiyyəti təşkilatlarının nümayəndələri və kənd sakinləri iştirak edib. Abbasov səyyar qəbulun məqsədinin kəndlərin problemlərini yerində öyrənmək və həll etmək olduğunu qeyd edib.
O, həmçinin Rəqəmsal İcra Hakimiyyəti portalı haqqında məlumat verərək, vətəndaşları onun imkanlarından istifadə etməyə çağırıb. Sakinlər əsasən yol, qaz, elektrik və sosial məsələlərlə bağlı şikayətlərini bildirib, İcra Hakimiyyəti başçısı müvafiq tapşırıqlarını verib.
