Masallı rayonunda yanğın baş verib. Bu haqda məlumatı Cenublu.az bu gün, 2 avqust tarixində verir.
Hadisə Böyük Xocavar kəndində qeydə alınıb. Ümumi sahəsi 180 kv.m olan taxta emalı sexi kimi fəaliyyət göstərən talvarın taxta üzlüyü, altına yığılan 4 ədəd dəzgah və 4,5 kv.m taxta materiallar yanıb. Həmçinin yüksək temperaturdan talvarın metal konstruksiyaları deformasiyaya uğrayıb.
Əraziyə yanğından mühafizə bölmələri cəlb olunub. Yaxınlıqdakı tikililər və taxta materiallar yanğından mühafizə edilib. Alov söndürülüb.
