Cəlilabad rayonunun Üçtəpə kəndində məktəbin yaxınlığında yerləşən elektrik transformatoru və naqillər valideynlərin narahatlığına səbəb olub.
Cenublu.az xəbər verir ki, söhbət Həmid Poladov adına ümumi orta məktəbin yaxınlığında yerləşən elektrik təsərrüfatından gedir.
Şikayətçilərin sözlərinə görə, məktəbin cəmi bir neçə addımlığında olan transformator və ərazidən keçən elektrik naqilləri, xüsusilə hər gün həmin ərazidən istifadə edən şagirdlər üçün təhlükə yaradır.
Kənd sakinləri mümkün bədbəxt hadisələrin qarşısını almaq üçün aidiyyəti qurumlara müraciət edərək problemin təxirəsalınmadan həllini istəyirlər. Onlar transformatorun və elektrik xətlərinin təhlükəsizlik normalarına uyğun vəziyyətə gətirilməsini tələb edirlər.
Məsələ ilə bağlı "Azərişıq" ASC-yə sorğu ünvanlanıb.
