Masallıda yerləşən ETSN-in 11 Saylı Regional Meşə Təsərrüfatı Mərkəzinin direktoru Nəsimi Nəsibova inzibati protokol tərtib edilib. Bu haqda məlumatı Cenublu.az bu gün, 2 avqust tarixində Pravda.az-a istinadən verir.
Protokol Əmək və Əhalinin Sosial Müdafiəsi Nazirliyi Yanında Dövlət Əmək Müfəttişliyi Xidməti Lənkəran–Astara Regional Şöbəsi tərəfindən İnzibati Xətalar Məcəlləsinin 198.1.6-cı (Əməyin mühafizəsi qaydalarının pozulmasına, yəni işçilərə müəyyən edilmiş müddətlərdə və tələb olunan çeşidlərdə pulsuz xüsusi geyim, xüsusi ayaqqabı və digər fərdi mühafizə vasitələrinin verilməməsinə görə beş yüz manatdan min manatadək məbləğdə cərimə edilir) maddəsinə əsasən yazılıb.
N.Nəsibov protokoldan şikayət verib. İşə Masallı Rayon Məhkəməsinin hakimi Ellarə Abbasovanın sədrliyi ilə baxılacaq.
