Macarıstanda keçirilən qol güləşi üzrə 35-ci Avropa çempionatında ölkəmizi təmsil edən gənc idmançı Rafiq Fətəliyev böyük uğura imza atıb.
Cenublu.az xəbər verir ki, Saatlı rayonu Ələddin Şüküroğlu adına Varxan kənd tam orta ümumtəhsil məktəbinin 8-ci sinif şagirdi olan Rafiq Fətəliyev milli yığma komandanın tərkibində çempionatda iştirak edib. O, 55 kq çəki dərəcəsində rəqiblərinə qalib gələrək qızıl medala layiq görülüb.
Qeyd edək ki, Rafiq şəhid əmisi Rafiq Fətəliyevin adını daşıyır.
