11-17 may tarixlərində Bolqarıstanın Samokov şəhərində keçirilən U17 Avropa Çempionatında Azərbaycan güləşçisi Hüseyn Rzazadə möhtəşəm uğura imza atıb.
Cenublu.az xəbər verir ki, Lənkəran-Astara Regional Gənclər və İdman İdarəsinin nəzdində fəaliyyət göstərən Cəlilabad rayon Uşaq-Gənclər İdman Məktəbinin sərbəst güləş bölməsinin yetirməsi olan idmançı 48 kq çəki dərəcəsində bütün rəqiblərini üstələyib.
Hüseyn Rzazadə final qarşılaşmasında ukraynalı Volodimir Boyko üzərində tam üstünlüklə qələbə qazanaraq U17 Avropa çempionu adına sahib olub. Gənc idmançının uğuru Azərbaycan güləşinin növbəti böyük nailiyyəti kimi qiymətləndirilir.
