Şimali Makedoniyanın paytaxtı Skopyedə keçirilmiş U-20 Avropa çempionatında qızıl medal qazanan Azərbaycanın yunan-Roma güləşçisi Emin Cavadlı dünya çempionatında da eyni uğuru təkrarlamaq istəyir.
55 kq çəki dərəcəsində çıxış edən lerikli idmançı qitə birinciliyinin onun üçün çox yaxşı keçdiyini bildirib:
"Turnirə cox yaxşı hazırlaşmışdıq. Qazaxıstanda, həmçinin Bakı və Göygöldə təlim-məşq toplanışları oldu. Bunun da bəhrəsini Avropa çempionatında gördük. Mənim üçün ən yaddaqalan qarşılaşma final görüşü oldu. Əlimdən gələni edəcəyəm ki, U-20 cempionatında da bütün rəqiblərimə qalib gələrək fəxri kürsünün ən yüksək pilləsinə qalxım".
O, ilk dəfə U-15 Avropa çempionatında güləşdiyini xatırladıb:
"Həmin yarış 2021-ci ildə olmuşdu və medal qazana bilməmişdim. U-15-də baş tutmayan arzum U-20 yaş qrupunda həyata keçdi".
Qeyd edək ki, Emin Cavadlı (55 kq) finalda ermənistanlı Edqar Petrosyana "tuş"la qalib gələrək Avropa çempionu olub.
Mənbə: report.аz
