Nəriman Axundzadənin çıxış etdiyi Columbus Crew klubunun oyunu azərbaycanlı azarkeşlərin maraqlı jesti ilə yadda qalıb.
Cenublu.az xəbər verir ki, MLS-in Şərq Konfransının VIII turunda New England Revolution ilə keçirilən qarşılaşmadan sonra futbolçu tribunada ona dəstək verən həmyerliləri ilə görüşüb.
ABŞ-də yaşayan azərbaycanlı azarkeş Ceyhun Əlizadə daha əvvəl verdiyi sözü tutaraq Nəriman Axundzadəyə xüsusi hazırlanmış ləvəngi hədiyyə edib.
Sosial şəbəkələrdə yayılan görüntülərdə azarkeşin öncədən dediyi "Nəriman, sənin üçün bir qazan ləvəngi bişirmişik" sözlərinin gerçəyə çevrildiyi əks olunub.
