Astarada 1959-cu il təvəllüdlü İsgəndər Məmmədovun qətli ilə bağlı məhkəmə prosesi başa çatıb.
Rayonun Suparibağ kəndində baş verən cinayət hadisəsində 22 yaşlı Vüsal Əliyev təqsirləndirilib.
Məlum olub ki, cinayətə səbəb motosiklet təmiri üstündə yaranan mübahisə olub.
Təqsirləndirilən şəxsin ifadəsinə görə, mübahisə zamanı İsgəndər Məmmədov onun atası Əvəz Əliyevə əvvəlcə ağac parçası, daha sonra isə yumruqla zərbə endirib.
Atasının döyülməsini qəbul etmədiyini bildirən təqsirləndirilən şəxs buna görə İsgəndəri bıçaqladığını deyib. Hadisə zamanı Vüsal İsgəndər Məmmədova 6 bıçaq zərbəsi endirərək onu həyatdan məhrum edib.
Lənkəran Ağır Cinayətlər Məhkəməsinin hökmünə əsasən, 2025-ci ilin avqustunda baş verən qətlə görə Vüsal Əliyev 10 il 6 ay müddətinə azadlıqdan məhrum edilib.
Mənbə: xitab24.az
