Lerikin Cəngəmiran kəndindən olan gənc Sadiq Səmədov məşhur Stenford universitetinə qəbul olub.
Sadiq Bakı Britaniya Məktəbinin sonuncu sinif şagirdidir. O, dünyanın ən prestijli universitetlərindən biri olan Stenforda qəbul olub.
Sadiqin uşaqlıqdan riyaziyyata böyük marağı olub. O, bunu riyaziyyatçı ailəsində dünyaya gəlməsi ilə əlaqələndirir. Bu maraq Sadiqin gənc yaşlardan olimpiadalara qoşulmağına səbəb olub. Sadiq Kopernik Beynəlxalq Olimpiadasının Nyu-Yorkda keçirilən final mərhələsində ölkəmizi təmsil edib.
Asudə vaxtlarını idman və ədəbiyyata ayıran Sadiq üzgüçülük üzrə bir neçə respublika çempionatının qızıl medalçısıdır.
Sadiqin bu yolda ən böyük dəstəkçisi valideynləridir. O, beynəlxalq universitetlərdə təhsil almaq istəyən gəncləri də unutmur: "Nüfuzlu universitetlərə qəbulda beynəlxalq olimpiadaların önəmli rolu var. Lakin bu yolda daim özünüzü inkişaf etdirin və inamla irəliləyin!"
Stenford yolunda Sadiqə uğurlar arzulayırıq.
