Masallının Qızılağac kəndində elektrik dirəyi təhlükəli vəziyyət yaradıb. Cenublu.az xəbər verir ki, bu barədə sakinlər məlumat verib.
Onların sözlərinə görə, kəndin girəcəyində, yanacaqdoldurma məntəqəsinin yaxınlığında yerləşən dirək hər an aşa bilər:
“Biz bu vəziyyətdən çox narahatıq. Çünki elektrik dirəyi güclü külək olduğu zaman aşacaq bu da sakinlər üçün ciddi problem yarada bilər. Qarşıdan qış ayları gəlir, qar yağan zaman vəziyyət daha da ağırlaşacaq”.
Sakinlərin sözlərinə görə, problem bununla da bitmir. İşıq dirəyinin yanında olan transformatorun açıq vəziyyətdə olması da onları təşvişə salır.
Saymaqla bitməyən kənd sakinlərinin növbəti problemi isə yolların acınacaqlı vəziyyətdə olmasıdır. Şikayətçilər bildiriblər ki, bu, maşınların hərəkətinə də mane olur :
“Yağış yağan kimi yollarda hərəkət etmək çətin olur, uşaqların məktəbə gediş-gəlişi çətinləşir, qışda isə maşınlar kəndə girməkdən imtina edir” -deyə, sakinlər bildirib.
[caption id="attachment_64542" align="alignnone" width="336"]
Foto Cenublu.az[/caption]
