Bir il öncə həyat yoldaşını öldürüb intihara cəhd edən şəxs haqqında tibbi xarakterli məcburi tədbirlər tətbiq olunub.
Apa.az xəbər verir ki, Lənkəran Ağır Cinayətlər Məhkəməsinin hökmü ilə Yalçın Məmmədov polis nəzarəti altında Respublika Psixiatriya Xəstəxanasında məcburi müalicəyə cəlb olunub.
Məhkəmənin qərarından narazı qalan zərərçəkmiş şəxsin hüquqi varisi apellyasiya şikayəti verib.
Şikayətə Şirvan Apellyasiya Məhkəməsində baxılacaq.
Xatırladaq ki, hadisə 2023-cü il iyulun 30-da Masallı rayonu Təklə kəndində baş verib. 44 yaşlı İlkanə Məmmədovanın kəsilmiş deşilmiş xəsarətlər alaraq qətlə yetirilməsi barədə polisə məlumat daxil olub. Aparılmış araşdırmalarla 47 yaşlı Yalçın Məmmədovun rayonun Təklə kəndində yerləşən evdə aralarında yaranmış mübahisə zamanı arvadı İ.Məmmədovaya bıçaqla xəsarətlər yetirərək qətlə yetirdikdən sonra özünə xəsarət yetirməsinə əsaslı şübhələr müəyyən edilib.
Faktla bağlı Masallı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
