Lənkəran şəhərinin mərkəzində sahibsiz itlərlə bağlı problem yenidən sakinlərin narazılığına səbəb olub. Şəhər sakinlərinin sözlərinə görə, uzun illərdir davam edən bu problem hələ də öz həllini tapmayıb və vəziyyət getdikcə daha təhlükəli hal alır.
Cenublu.az -a daxil olan məlumata görə, qruplaşaraq küçələrdə dolaşan sahibsiz itlər insanlara hücum edir. Ən çox narahatlıq yaşayanlar isə uşaqlar, yaşlılar və məktəblilərdir.
Şikayətçilərin sözlərinə görə, məsələ ilə bağlı dəfələrlə aidiyyəti qurumlara müraciət edilsə də, problem illərdir olduğu kimi qalır.
Sakinlər aidiyyəti qurumlardan sahibsiz itlərlə bağlı ciddi tədbirlərin görülməsini və şəhər sakinlərinin təhlükəsizliyinin təmin edilməsini tələb edirlər.
