Avqustun 16-da Lənkəran Dövlət Peşə Təhsil Mərkəzində Məzunlar Assosiasiyası təsis edilib və əsasnaməsi təsdiq olunub.
Cənublu.az-ın əldə etdiyi məlumata əsasən, assosiasiya 15 nəfərdən ibarət olub və LDPTM-nin arıçılıq ixtisası üzrə məzunları tərəfindən yaradılıb.
Direktorun sözlərinə görə, yeni qurum hər il mərkəzin məzunlarının siyahısını hazırlayacaq və onların peşə hazırlığını artırmağa yönəlmiş tədbirlər keçirəcək. Assosiasiya məzunlar üçün qəbullar, təqdimatlar, seminarlar, banketlər və digər tədbirlər təşkil edəcək.
Assosiasiyanın məqsədi məzunlar arasında əlaqələri genişləndirmək, faydalı münasibətləri inkişaf etdirmək və onların yaradıcı fəaliyyətlərini dəstəkləməkdir.
Ayrıca, "Fəxri məzun" kartları təqdim ediləcək və karyera məsləhət saatları təşkil ediləcək. Gələcəkdə məzun dəstəyi ilə "Endowment Fund" yaradılması da planlaşdırılır.
