Lənkəran rayonunun Səpnəkəran kəndində faciə baş verib.
Cenublu.az xəbər verir ki, 1983-cü il təvəllüdlü Xanım Səfərova hamam otağında huşsuz halda tapılıb və həyatını itirib.
Hadisə zamanı məlum olub ki, mərhum hamamı isidmək üçün kömürdən istifadə edib. Kömürdən ayrılan zəhərli dəm qazı (karbon monoksid) qapalı məkanda yığılaraq onun boğulmasına səbəb olub. Təcili tibbi yardım çağırılsa da qadını xilas etmək mümkün olmayıb.
Hadisə yerindən götürülən meyit müvafiq qurumlara təhvil verilib.
İlkin ehtimallara əsasən, qadının ölümü məhz dəm qazından zəhərlənmə nəticəsində baş verib.
Faktla bağlı araşdırma aparılır.
