Lənkəranda tolerantlıq və multikulturalizm mövzusunda maarifləndirici tədbir keçirilib.
Cenublu.az xəbər verir ki, Azərbaycan Respublikasının İnsan Hüquqları üzrə Müvəkkilinin (Ombudsmanın) Cənub Regional Mərkəzi, Dini Qurumlarla İş üzrə Dövlət Komitəsinin Lənkəran regional bölməsi, Lənkəran-Astara regional Mədəniyyət İdarəsi və Lənkəran Şəhər Mərkəzi Kitabxanasının birgə təşkilatçılığı ilə “Tolerantlıq ənənələrinin və multikulturalizm siyasətinin milli həmrəyliyimizin möhkəmləndirilməsindəki rolu” mövzusunda maarifləndirici tədbir keçirilib.
Tədbirdə Ombudsmanın Cənub Regional Mərkəzinin rəhbəri Z.İsmayılov “Multikulturalizm və insan hüquqları” mövzusunda məruzə ilə çıxış edib, Müvəkkilin ölkəmizdə hüquq bərabərliyinin təmin olunması, ayrı-seçkiliklə mübarizə sahəsində həyata keçirdiyi fəaliyyəti barədə məlumat verib.
