Girdəni kəndi ərazisindən axan Girdəniçayda suyun səviyyəsi kəskin qalxıb.
Cenublu.az Su və Meliorasiya Kompleksinin Layihələndirilməsi İnstitutuna istinadən xəbər verir ki, yağan leysan xarakterli yağışlar səbəbindən çayın axını istiqamətində, sağ sahilində sahil yuma prosesləri aktivləşib. Nəticədə çaya yaxın məsafədə yerləşən Girdəni və Havzava kəndlərini birləşdirən Girdəni-Havzava avtomobil yolunun 2-ci km-də, çayın sağ sahil hissəsinin 15 metr hissəsi yuyularaq yolu təhlükəli vəziyyətə salıb.
Su və Meliorasiya Kompleksinin Layihələndirilməsi İnstitutu və Lənkəran Yuxarı Xanbulançay Hidroqovşağı İstismar İdarəsinin mütəxəssislərinin birgə iştirakı ilə ətraflı araşdırma aparılıb.
Təxirəsalınmaz mühəndisi tədbir kimi avtomobil yolunun mühafizəsi məqsədilə dəmir-beton mühafizə divarının layihələndirilərək tikilməsi təklif olunub.
