Ölkəmizdə beynəlxalq tədbirlər ərəfəsində humanist addımların atılacağı gözlənilir.
Azərbaycan qarşıdakı aylarda bir çox vacib tədbirlərə və önəmli hadisələrə şahidlik edəcək. Sentyabrın 1-də ölkəmizdə növbədənkənar parlament seçkiləri keçiriləcək, ardınca "Formula 1" yarışları, noyabr ayında COP29 tədbiri baş tutacaq, dekabr ayında isə bələdiyyə seçkiləri keçiriləcək.
Bəzi hüquq müdafiəçiləri parlament seçkilərindən və COP29-dan sonra əfv sərəncamının imzalanacağını iddia edir.
Cənublu.az Modern.az-a istinadən xəbər verir ki, Demokratiya və İnsan Hüquqları Komitəsinin sədri, hüquq üzrə fəlsəfə doktoru Çingiz Qənizadə məsələ ilə bağlı açıqlama verib:
"Yəqin ki, həmişə olduğu kimi, ilin sonunda əfv verilə bilər. COP29 noyabrın sonunda yekunlaşacaq. Dekabrda onsuz da əfv gözlənilir. Mən elə hesab edirəm ki, Əfv Fərmanı ilin sonunda imzalanacaq”.
