Cənub bölgəsində yeni məktəblər tikilir.
Lənkəran-Astara Regional Təhsil İdarəsinin tabeliyində 554 ümumtəhsil, 121 məktəbəqədər, 11 məktəbdənkənar təhsil müəssisəsi fəaliyyət göstərir.
Cənublu.az Cenub.az-a istinadən xəbər verir ki, hazırda Lənkəran-Astara Regional Təhsil İdarəsi üzrə 4 müəssisədə əsaslı təmir aparılır, 8 təhsil müəssisəsinin isə tikintisi icra edilir.
Tikintisi icra edilən təhsil müəssisələri aşağıdakılardır:
- Masallı rayon Qəzvinoba kənd ümumi orta məktəb (180 şagird yerlik);
- Astara rayon Sərək kənd tam orta məktəb (264 şagird yerlik);
- Astara rayon Şümrüd kənd tam orta məktəb (360 şagird yerlik);
- Lənkəran rayon Viyən kənd tam orta məktəb (432 şagird yerlik);
- Lerik rayon Cəngəmiran kənd tam orta məktəb (132 şagird yerlik);
- Cəlilabad rayon Musalı kənd tam orta məktəb (180 şagirdyerlik);
- Cəlilabad rayon Pərdi kənd ümumi orta məktəb (132 şagird yerlik).
Masallı rayon Qəzvinoba kənd və Cəlilabad rayon Pərdi ümumi kənd orta məktəbləri üçün inşa edilən məktəblər bu tədris ilinin başlanğıcında istifadəyə veriləcək. Digər 6 məktəbin isə 2025-ci ildə tikilib təhvil verilməsi planlaşdırılır.
