Azərbaycanın hərbi hissələrində sürücü vəzifəsinə işçilər tələb olunur.
Cənublu.az xəbər verir ki, Azərbaycan Müdafiə Nazirliyi hərbi hissələrə vakant sürücü vəzifələrinə mülki işçilərin qəbulu elan edilir.
Tələb olunan sənədlər aşağıdakılardır:
- C, D, E kateqoriyalı sürücülük vəsiqəsi;
- şəxsiyyət vəsiqəsi;
- hərbi biletin surəti;
- tərcümeyi-hal (əlyazma ilə 1 nüsxədə, çap edilmiş 2 nüsxədə);
- rəngli fotoşəkil (2 ədəd 3x4 sm və 2 ədəd 4,5x6 sm ölçüdə);
- qeydiyyatda olduğu poliklinikadan (dəri-zöhrəvi, vərəm, ruhi-əsəb, narkoloji xəstəliklər barədə) arayış.
Namizədlər yaşayış yerinə ən yaxın ərazidə yerləşən hərbi hissəyə hər gün (bazar və bayram günləri istisna olmaqla) saat 09:00-dan 18:00-dək yaxınlaşa bilərlər.
