Cəlilabadda baş verən qəzada xəsarət alanların kimliyi və vəziyyətləri məlum olub.
Cenublu.az xəbər verir ki, "Ford" markalı nəqliyyat vasitəsinin kanala aşması nəticəsində 5 nəfər: 47 yaşlı Elnur İsayev, 43 yaşlı Günay İsayeva, 19 yaşlı Nurlanə İsayeva, 15 yaşlı Elmira İsayeva və 33 yaşlı İqbal İsayev xəsarət alıblar.
Xəstəxanadan bildirilib ki, 07.06.2025-ci il tarixində saat 11:00 radələrində yol-nəqliyyat hadisəsi səbəbilə xəsarət alan 5 nəfər (2-si kişi, 3-ü qadın cinsli olmaqla) Cəlilabad Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Onlara bədənin müxtəlif nayihələrinin çoxsaylı travması diaqnozu təyin edilib.
Xəsarət alan şəxslərin hazırki vəziyyətləri stabil olaraq qiymətləndirilir.
13:33
Cəlilabadda yol-nəqliyyat hadisəsi baş verib, 5 nəfər xəsarət alıb.
Cenublu.az xəbər verir ki, hadisə rayonun Uzuntəpə-Günəşli yolunda qeydə alınıb.
"Ford" markalı nəqliyyat vasitəsi idarəetməni itirərək yol kənarındakı kanala aşıb. Əraziyə FHN-in xilasediciləri cəlb olunub.
Maşında olan 6 nəfərdən (4 qadın, 2 kişi) 5-i müxtəlif dərəcəli bədən xəsarətləri alaraq Cəlilabad rayon mərkəzi xəstəxanasına hospitalizasiya olunublar. Onlardan 3-ü ambulator müalicə üçün evə buraxılıb. İki nəfərin müalicəsi xəstəxanada davam etdirilir.
Faktla bağlı araşdırma aparılır.
