Salyan rayonunun Aşağı Noxudlu və Yuxarı Noxudlu kəndlərində yerləşən tam orta məktəblərlə bağlı qərar qəbul edilib. Belə ki, Aşağı Noxudlu kənd məktəbi üçün yeni binanın inşası, Yuxarı Noxudlu kənd məktəbinin isə əsaslı təmiri nəzərdə tutulur.
Sakinlərin report.az-ın Aran bürosuna verdiyi məlumata görə, məktəblərin qəzalı vəziyyətə düşməsi yüzlərlə şagirdin tədrisdən kənarda qalmasına səbəb olub. Bir ildən artıqdır fəaliyyətsiz olan Aşağı Noxudlu məktəbinin təxminən 400 şagirdi əvvəlcə Yuxarı Noxudlu məktəbinə köçürülüb. Lakin ötən ilin sonunda həmin məktəbin də qəzalı vəziyyətə düşməsi vəziyyəti daha da ağırlaşdırıb.
Hazırda şagirdlər 10 kilometr məsafədə yerləşən Aşağı Kürkəndi kənd orta məktəbində təhsil alırlar.
