Lənkəranda idarə etdiyi avtomobillə məktəbli bacı-qardaşı vuraraq öldürməkdə təqsirləndirilən Vurğun Quluzadənin cinayət işi üzrə məhkəmə prosesi başa çatıb.
Apa.аz xəbər verir ki, Lənkəran Ağır Cinayətlər Məhkəməsində hakim Ayşən Vəliyevanın sədrliyi ilə keçirilən prosesdə hökm oxunub.
Hökmə əsasən, təqsirləndirilən şəxs 10 il müddətinə azadlıqdan məhrum edilib.
Xatırladaq ki, hadisə ötən il, 19 sentyabrda Lənkəran rayonunun Şovu kəndində baş verib. Vurğun Quluzadə “Mercedes” markalı avtomobillə hərəkət edərkən məktəbə gedən şagirdlər – 2017-ci il təvəllüdlü Gülay Əlizadə və onun qardaşı, 2014-cü il təvəllüdlü Ramid Əliyevi vurub. Hər iki məktəbli ağır vəziyyətdə Lənkəran Rayon Mərkəzi Xəstəxanasına aparılsa da, onların həyatını xilas etmək mümkün olmayıb.
