Lənkəranda arvadını öldürməkdə təqsirləndirilən Nicat Lələzadənin cinayət işi üzrə məhkəmə prosesi keçirilib.
Lənkəran Ağır Cinayətlər Məhkəməsində hakim Ayşən Vəliyevanın sədrliyi ilə keçirilən prosesdə hökm oxunub.
Hökmə əsasən, Nicat Lələzadə 17 il 6 ay müddətə azadlıqdan məhrum edilib.
Qeyd edək ki, hadisə ötən ilin avqustunda baş verib. Nicat və arvadı Əfsanə 5 ilə yaxın ayrı yaşayıblar. Nicat Lələzadə ondan boşanmaq istəyən Əfsanə Lələzadəni aralarında yaranan mübahisə zəminində bıçaqlayıb. 30 yaşlı Əfsanə bədənin müxtəlif nahiyələrində kəsilmiş-deşilmiş xəsarətlərlə xəstəxanaya aparılsa da, ölüb. Nicat polisə könüllü təslim olub.
Təqsirləndirilən şəxsə Cinayət Məcəlləsinin qəsdən adam öldürmə maddəsi ilə ittiham irəli sürülüb.
