“Yüzdən çox məktəbdə şagird sayı azdır. Onlarda distant təhsilə keçid, əlbəttə ki, mərhələli şəkildə olacaq. Biz bunu Lənkəran-Astara regionundakı bir neçə məktəbdə test etmişik ki, baxaq özünü necə göstərir. Nəticələr qənaətbəxşdir".
Cenublu.az xəbər verir ki, bunu Məktəbəqədər və Ümumi Təhsil üzrə Dövlət Agentliyinin direktor müavini Vəfa Yaqublu İTV-də yayımlanan “Sabaha saxlamayaq” verilişində bildirib.
O qeyd edib ki, hazırda proses pilot layihə kimi test mərhələsindədir.
V.Yaqublu bildirib ki, yuxarı siniflərdə biologiya, kimya, tarix və sair müəllim çatışmayan fənlərdən şagirdlər mərkəz məktəbin müəllimləri tərəfindən distant formada tədrisə qoşulur. Siniflər yaradılır, hər kənddən bir neçə uşaq həmin sinifdə distant tədrisə cəlb edilir.
