Bu gün Azərbaycan Silahlı Qüvvələrinin MAHHXHQ əsgəri, Vətən müharibəsi şəhidi Fuad Qubadlının dünyaya göz açdığı gündür.
Fuad Cahangir oğlu Qubadlı 1993-cü il yanvarın 16-da Cəlilabad rayonunun Kiçik Bəcrəvan kəndində ziyalı ailəsində anadan olub. Vətən müharibəsi zamanı müxtəlif istiqamətlərdə gedən döyüşlərdə savaşıb. 2020-ci ildə noyabrın 8-i Xocavənd rayonunda gedən döyüşdə aldığı qəlpə yarası nəticəsində şəhid olub.
Ölümündən sonra "Vətən uğrunda", "Füzulinin azad olunmasına görə", "Cəsur döyüşçü" və "Xocavəndin azad olunmasına görə" medalları ilə təltif olunub.
