Bakının Nərimanov rayonunda sevgililər arasında baş verən mübahisə məhkəməyə qədər uzanıb.
Hadisə bu il fevralın 21-də Ziya Bünyadov prospektində qeydə alınıb.
1991-ci il təvəllüdlü Cəlilabad rayon sakini Tərlan birgə yaşadığı Züleyxa ilə mübahisə zamanı onun çiyninə yumruq vuraraq xəsarət yetirib.
Kişiyə Cinayət Məcəlləsinin 128-ci maddəsi ilə ittiham irəli sürülüb. O, məhkəmədə əməlini etiraf edərək qadınla barışdığını bildirib. Zərərçəkmiş də şikayət və tələbinin olmadığını deyib.
Nərimanov Rayon Məhkəməsi tərəflərin barışmasını nəzərə alaraq Tərlanı cinayət məsuliyyətindən azad edib və iş üzrə icraata xitam verib.
Qeyd edək ki, adlar şərtidir.
Mənbə: demokrat.аz
