Salyan rayon sakini Bakıda iş yoldaşını döyərək cinayət məsuliyyətinə cəlb olunub.
Hadisə Yasamal rayonundakı "Qrand Həyat" yaşayış kompleksinin zirzəmisində yerləşən avtoyuma məntəqəsində baş verib.
1989-cu il təvəllüdlü Akif iş yoldaşı Asifdən onu bir neçə saat əvəz etməsi xahişini rədd edib. Bu səbəbdən yaranan mübahisə davaya çevrilib. Akif başı və yumruqları ilə Asifin sifətinə zərbələr endirərək ona xəsarət yetirib.
Faktla bağlı Cinayət Məcəlləsinin 128-ci maddəsi ilə ittiham olunan Akif məhkəmədə əməlini etiraf edib, peşman olduğunu və zərərçəkmiş şəxslə barışdığını bildirib.
Abşeron Rayon Məhkəməsinin hökmü ilə zərərçəkmiş şəxsin şikayət və tələbi olmadığı nəzərə alınaraq cinayət təqibinə xitam verilib, Akif cinayət məsuliyyətindən azad edilib.
Qeyd edək ki, adlar şərtidir.
Mənbə: pravda.аz
