Sabirabadda sosial şəbəkədə əxlaqsız ifadələr işlədən şəxs məsuliyyətə cəlb olunub.
Lent.аz xəbər verir ki, rayon sakini 43 yaşlı Əzim Mirzəyev (ad və soyad şərtidir) "TikTok" sosial şəbəkəsində ictimai mənəviyyatı təhqir edən və cəmiyyətə açıq hörmətsizlik ifadə edən paylaşımlar edib.
Polis əməkdaşlarının keçirdiyi tədbirlər nəticəsində o saxlanılaraq barəsində İnzibati Xətalar Məcəlləsinin 510.2-ci maddəsi ilə protokol tərtib olunub.
Əzim Mirzəyev ifadəsində etdiyi əmələ görə peşman olduğunu bildirib. O, 3-cü qrup əlil olduğunu nəzərə alaraq barəsində yüngül cəza təyin edilməsini xahiş edib və bir daha belə hallara yol verməyəcəyini deyib.
Məhkəmənin qərarı ilə o, 500 manat məbləğində inzibati qaydada cərimələnib.
