Neftçala rayonunun Birinci Qaralı kəndində fəaliyyət göstərən marketdə yoxlama aparılıb.
Cenublu.az xəbər verir ki, fiziki şəxs Əskərov Əhəd Maqsud oğluna məxsus marketdə Qida Təhlükəsizliyi Agentliyinin əməkdaşları tərəfindən plandankənar yoxlama keçirilib.
Yoxlama zamanı bir sıra nöqsanlar aşkar edilib, yararlılıq müddəti bitmiş qida məhsulları müəyyən olunub. Həmçinin obliqat qrupuna aid işçinin tibbi müayinədən keçmədiyi məlum olub.
Fiziki şəxs barəsində inzibati protokol tərtib edilib. Tibbi müayinədən keçməyən işçinin işdən kənarlaşdırılması və istehlaka yararsız məhsulların satışının qadağan edilməsi barədə məhdudlaşdırıcı qərar qəbul olunub.
