"Cəlilabad Broyler" və "Bərdə Broyler" açıq səhmdar cəmiyyətlərinin idarə heyətlərinə yeni sədr təyin ediləcək.
İqtisadiyyat.аz xəbər verir ki, bununla bağlı məsələ broyler şirkətlərinin ümumi yığıncaqlarının gündəliyinə daxil edilib.
Belə ki, hər iki ASC-nin iyunun 29-da səhmdarlarının növbəti ümumi yığıncağı planlaşdırılıb.
Yığıncaqlarda ASC-lərin İdarə Heyətinin sədri və Direktorlar Şurası üzvlərinin təyin edilməsi məsələsi, şirkətlərin ötən ilin yekunlarına dair maliyyə hesabatlarının təsdiq olunması, ötən ilin maliyyə ilinin yekunlarına əsasən səhmdarlara dividend ödənilməsi və digər məsələlər müzakirə olunacaq.
