Azərbaycanda son beş ildə qeydiyyata alınan bəzi yoluxucu və parazitar xəstəliklər üzrə statistika açıqlanıb. Məlumatlar exinokokkoz və dəri leyşmaniozu hallarında azalma müşahidə olunduğunu göstərir.
Dövlət Statistika Komitəsindən bildirilib ki, 2025-ci ildə exinokokkoz üzrə 24 yoluxma halı qeydə alınıb. Bu göstərici 2024-cü ildə 33, 2023-cü ildə 58, 2022-ci ildə 74, 2021-ci ildə isə 43 olub.
Cüzam xəstəliyi üzrə vəziyyət son illərdə sabit qalıb. Belə ki, 2021-ci ildə 11, 2022-2025-ci illərdə isə hər il 10 yoluxma halı qeydə alınıb.
Visseral leyşmanioz üzrə 2025-ci ildə 19 yoluxma faktı qeydə alınıb. Bu göstərici 2024-cü ildə 11, 2023-cü ildə 31, 2022-ci ildə 27, 2021-ci ildə isə 42 olub.
Dəri leyşmaniozu hallarında isə son illərdə əhəmiyyətli azalma müşahidə edilir. 2023-cü ildə 46 yoluxma halı qeydə alındığı halda, bu rəqəm 2024-cü ildə 16-ya, 2025-ci ildə isə 5-ə enib. Müqayisə üçün qeyd edək ki, 2021 və 2022-ci illərdə hər il 19 yoluxma halı qeydə alınmışdı.
Quduzluq xəstəliyi üzrə isə son beş ildə yoluxma halları çox aşağı səviyyədə qalıb. 2021-ci ildə 1, 2022-ci ildə 1, 2023-cü ildə 3, 2024-cü ildə 2, 2025-ci ildə isə 1 yoluxma faktı qeydə alınıb.
Mənbə: Modern. az
