Astarada üç binanın sakinləri illərdir mavi qaza həsrət qalıblar.
Cenublu.az xəbər verir ki, Astarada Kələdəhnə qəsəbəsində peşə məktəbi yaxınlığındakı üç bina sakinləri uzun illərdir qaz problemindən əziyyət çəkirlər. Onların sözlərinə görə, digər binalar qazla təmin olunsa da, bu binalar hələ də qazsızdır. Qaz boruları binaya cəmi 100 metr məsafədə yerləşsə də, tikililəri qazla təchiz etmək üçün addımlar atılmayıb.
"Övladlarımızı qazsız şəraitdə böyütdük, indi də nəvələrimizi. Daş dövründə yaşayırıq sanki", - deyə astaralılardan biri bildirib.
Onlar problemin tezliklə həll olunması üçün aidiyyəti qurumların müdaxiləsini gözləyirlər.
