Cənub bölgəsini təmsil edən məşqçi-müəllimlər mükafatlandırılıblar.
Cenublu.az Lənkəran-Astara Regional Gənclər və İdman İdarəsinə istinadən xəbər verir kİ, Gənclər və idman naziri Fərid Qayıbov ötən ay ərzində qitə və dünya çempionatlarında, nüfuzlu beynəlxalq yarışlarda ölkəmizi uğurla təmsil etmiş Azərbaycan idmançıları və onların məşqçiləri ilə görüşüb.
Görüş zamanı “Azərbaycan Respublikasının Əməkdar məşqçisi” və “Azərbaycan Respublikasının Fəxri bədən tərbiyəsi və idman işçisi" adlarına layiq görülmüş idman mütəxəssislərinə müvafiq vəsiqə və döş nişanları təqdim edilib. Onların sırasında sözügedən regionumuzun məşqçi-müəllimləri Fəzail Əbilov, Təhmasib İsayev və Ramal Əsgərov da yer alıblar.
Tədbirdə nazir müavini Mariana Vasileva və nazirliyin İdman şöbəsinin müdiri Elnur Məmmədov da iştirak ediblər.
